चौलागाइ १० औं दिनमा सकुशल डिस्चार्ज
भक्तपुर, २३ जेठ । शहीद धर्मभक्त राष्ट्रिय प्रत्यारोपण केन्द्र कलेजो प्रत्यारोपणमा अब्बल बन्दै गएको छ ।
केन्द्रले यो वर्ष मात्र १५ जनाको कलेजो प्रत्यारोपण गरेको छ । केन्द्रले हालसम्म २५ जनाको कलेजो प्रत्यारोपण गर्न सफल भएको छ ।
पछिल्ले समय उक्त केन्द्रमा कलेजो प्रत्यारोपणले निरन्तर गति लिन सुरु गरेको छ । केन्द्रमा २५ औं कलेजो प्रत्यारोपण गरेका निजगढ, बाराका ५४ वर्षीय बद्री प्रसाद चौलागाई प्रत्यारोपण भएको १० औं दिन आज सकुशल डिस्चार्ज भएका छन् । उनलाई उनकी ५१ वर्षिय श्रीमती यानु कुमारी गौतमले कलेजो दान दिएकी थिइन । बरिष्ठ कलेजो तथा मिर्गौला प्रत्यारोपण शल्य चिकित्सक डा पुकारचन्द्र श्रेष्ठको नेतृत्वमा शहीद धर्मभक्त राष्ट्रिय प्रत्यारोपण केन्द्रमा २५ जनाको कलेजो प्रत्यारोपण भईसकेको छ । केन्द्रमा संसारकै सबैभन्दा न्यूनतम शुल्कमा कलेजो प्रत्यारोपण हुने गरेको कुरा केन्द्रका कार्यकारी निर्देशक डा श्रेष्ठले बताए ।
केन्द्र स्थापना भएको १२ वर्षमै देशको सबैभन्दा धेरै एक हजार २४८ जना मिर्गौला र २५ जनाको कलेजो प्रत्यारोपण भईसकेको छ । केन्द्रको उपयुक्त जमिन तथा आफ्नै भवनको अभाव भएपनि प्रत्यारोपण क्षेत्रमा विश्वस्तरीय सेवा उपलब्ध गराउँदै आएको छ र वार्षिक करीब २ अरब रुपैयाँ देशमै संचिति गरेको छ ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend
.png)