काठमाडौं । आज देखि कर्णाली स्वास्थ्य विज्ञान प्रतिष्ठानमा चिकित्सा शिक्षा तर्फको स्नातक तह (एमबीबीएस) तहमा अध्ययन सुरु हुँदैछ । 
यहि वर्षबाट चिकित्सा शिक्षा आयोगले कर्णाली स्वास्थ्य विज्ञान प्रतिष्ठानलाई चिकित्साशास्त्र तर्फ एमविविएस अध्ययन गर्न स्वीकृत दिएको थियो । 
आज प्रतिष्ठानमा एक भव्य समारोहबीच एमविविएसको अध्ययन सुरु हुन लागेको हो । त्यसको औपचारिक कार्यक्रमको लागि कर्णाली स्वास्थ्य विज्ञान प्रतिष्ठानमा राष्ट्रपति विद्यादेवी भण्डारी आज जाँदै हुनुहुन्छ । 
कर्णाली स्वास्थ्य विज्ञान प्रतिष्ठानमा पहिलो पटक एमविविएस सहित वि फार्मा,स्नातक तहमा नर्सिङ र पब्लिक हेल्थको लागि अध्ययन सुरु भएको हो । 
चिकित्सा शिक्षा आयोगले कर्णाली स्वास्थ्य विज्ञान प्रतिष्ठानलाई यो वर्षबाट एमविविएसमा २० जना पढाउनको लागि संख्या समेत तोकिदिएको थियो । यस्तै स्नातक तह फार्मेसीमा पनि आयोगले २० जना पढाउनलालई स्वीकृति दिएको छ । 
कर्णाली स्वास्थ्य विज्ञान प्रतिष्ठानका उपकुलपति डा. मंगल रावलले आजबाट कर्णालीमा स्नातक तहमा एमविविएस लगायत वि फार्मा,जनस्वास्थ्य र ब्याचलर अफ नर्सिङमा अध्ययन सुरु भएको जानकारी दिनुभयो । 
प्रतिष्ठानमा भर्ना भएका विद्यार्थीहरुलाई गत हप्ता आइतबारबाट अभिमुखिकरण (ओरेन्सियल) दिन सुरु गरिएको थियो । 
उहाँले २० सिटमध्ये  १५ सिट पूर्ण छात्रबृत्ति र पाँच सिट सशुल्कमा अध्ययन हुने हो । उपकुलपति रावलले चिकित्सा शिक्षा आयोगले लिएको एकीकृत प्रवेश परीक्षा पास गरी आएका विद्यार्थीहरु भर्ना भइसकेको छन् । 
कर्णाली स्वास्थ्य विज्ञान प्रतिष्ठानले हाल तीन बेड क्षमताको  अस्पतालसमेत सञ्चालनमा ल्याइसकेको छ। अस्पतालमा १६ बेडको सघन उपचारकक्ष (आइसीयू) र चार बेडको  शल्यक्रिया कक्ष समेत रहेको छ ।