काठमाडौँ । नेपालमा फाइजर खोपले प्रयोगका लागि आपतकालिन अनुमति पाएको छ ।
स्वास्थ्य सेवा विभागको सिफारिसमा औषधि व्यवस्था विभागले कोरोना विरुद्धको खोप फाइजर बायोटेक्सलाई आपतकालीन प्रयोगका लागि अनुमति दिएको हो । औषधि व्यवस्था विभागका महानिर्देशक नारायण ढकालले स्वास्थ्य मन्त्रालयका सिफारिसमा फाइजर खोपलाई शुक्रबार आपतकालीन प्रयोगका लागि अनुमति दिएको बताउनुभयो ।
सरकारले १२ देखि १८ बर्ष माथिका बालबालिकालाई समेत प्रयोग गर्ने गरी ६० लाख फाईजर खोप खरिद गर्नलाई प्रक्रिया अघि बढाइसकेको छ । फाइजर खोप माइनस ७० डिग्री सेल्सीयस तापक्रममा भण्डारण गर्नुपर्ने भएकोले हालसम्म यो खोपको प्रयोग नेपालमा भएको थिएन ।
सरकारले फाईजर खोप ल्याउनका लागि उक्त खोपलाई मिल्ने तापक्रम अनुसारको चार वटा फ्रिज समेत ल्याइसकेको छ ।
नेपालमा यसअघि नै फाइजर बाहेक भातरमा उत्पादित कोभिसिल्ड, कोभ्याक्सिन, चीनमा उत्पादित भेरोसेल र कोरोना भ्याक, बेलायतमा उत्पादित एस्ट्राजेनेका, अमेरिकी कम्पनीले उत्पादन गरेको जोनसोन एण्ड जोनसोन खोपले आपतकालिन प्रयोगको अनुमति पाईसकेको छ ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend
.png)