काठमाडौँ, २ मंसिर । नेपाल औषधि लिमिटेडले मधुमेह र उच्चरक्तचाप लगायतका नौ प्रकारका औषधि उत्पादन गर्ने भएको छ ।
लिमिटेडले नौ प्रकारको औषधिको तीन महिनाको परीक्षण पुरा गरि ६ महिनाको परीक्षण सकाउने तयारीमा रहेको जानकारी दिएको छ । लिमिटेडले जुका, मधुमेह, उच्चरक्तचाप, कोलस्ट्रोल, आइरन चक्की, फोलिक एसिड, एजिथ्रोमाइसिन लगायत नौ प्रकारका औषधिको उत्पादनको तयारीमा रहेको छ ।
लिमिटेडका महाप्रवन्धक कैलाशकुमार पनेरुले ती नौ प्रकारका औषधिको छ महिनाको परीक्षण चाँडै नै सकेर अर्को महिना उत्पादनका लागि औषधि व्यवस्थापन विभागबाट अनुमति पत्र लिएर उत्पादन शुरु गर्ने जानकारी दिनुभयो ।
यसअघि लिमिटेडले ११ प्रकारका औषधि उत्पादन गर्दै आइरहेका छ ।
“पहिलो चरणको ती औषधिको तीन महिनाको परीक्षण सकिसकेको छ । अव दोस्रो चरणको छ महिना परीक्षण अन्तिम चरण पुगेको छ” पनेरुले भन्नुभयो, “दोस्रो चरणको छ महिनाको परीक्षण सकेर बजारको लागि उत्पादन गर्न अनुमति लिएर उत्पादन गर्दछौ ।”
छ महिनाको परीक्षण गर्ने क्रममा मेसिन विग्रिएर दुई महिना उत्पादनमा ढिलाई भएको महाप्रवन्धक पनेरुले जानकारी दिनुभयो । अहिले लिमिटेडले मेसिन बनाएर नौ प्रकारका औषधिको परीक्षण गरिरहेको छ ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend
.png)