हेल्दीखबर
हेल्दीखबर
काठमाडौं । प्रधानमन्त्री शेरबहादुर देउवाले देशका विभिन्न स्थानमा सवारी दुर्घटनामा परेकाहरुको निशुल्क उपचार गर्ने बताउनुभएको छ । अघिल्लो दिन कास्की र अछाम तथा मंगलबार मुगुमा सवारी दुर्घटनामा परी ३२ जनाको मृत्यु भएको छ भने कयौं घाइते भएका छन् । उहाँले सडक दुर्घटनाले स्तव्ध भएको बताउनुभएको छ । आफ्नो आधिकारिक फेसबुक मार्फत उहाँले सो कुरा बताउनु भएको हो ।
प्रधानमन्त्री देउवाले भन्नुभएको छ, मुगु, कास्की र अछाममा भएको सडक दुर्घटनाले म स्तव्ध भएको छु। दुर्घटनामा ज्यान गुमाउनेप्रति श्रद्धाञ्जलि अर्पण गर्दै शोक सन्तप्त परिवारप्रति समवेदना प्रकट गर्दछु। दुर्घटनामा मृत्यु भएका मृतकका परिवारलाई उचित राहत र घाइतेको उद्दार एवं निशुल्क उपचार सरकारले गर्नेछ।
सडक दुर्घटना न्यूनीकरणका लागि सार्वजनिक–निजी सवारी साधनको नियमित परीक्षण एवं मर्मत गर्न, क्षमताभन्दा बढी यात्रु नराख्न र सुरक्षाका सबै मापदण्डहरू अपनाउन पनि म सम्बन्धित सबैको ध्यानाकर्षण गराउँदछु प्रधानमन्त्री देउवाले उल्लेख गर्नु भएको छ ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend