काठमाडौँ, २३ साउन । पूर्व स्वास्थ्य राज्यमन्त्री खड्गबहादुर बस्यालको ६७ वर्षको उमेरमा निधन भएको छ।
लामो समयदेखि क्यान्सरबाट पीडित बस्यालको बिहान ८:५० बजे सुर्खेतको वीरेन्द्रनगर नगरपालिका–३, तातापानीस्थित आफ्नै निवासमा निधन भएको हो।
वि.सं. २००८ माघ १५ गते जन्मिएका बस्याल नेपाल दलित संघका पूर्व अध्यक्ष, संविधान सभा सदस्य (२०६४ र २०७०), नेपाली कांग्रेस जिल्ला कार्यसमिति सुर्खेतका पूर्व उपसभापति हुनुहुन्थ्यो ।
उहाँले नेपाली कांग्रेस र यसको भ्रातृ संगठनहरूमा विभिन्न जिम्मेवारी सम्हाल्दै पार्टी संगठन विस्तार तथा नेपालको लोकतान्त्रिक आन्दोलनमा महत्वपूर्ण योगदान पुर्याउनुभएको थियो ।
नेपाली कांग्रेसका सभापति तथा पूर्व प्रधानमन्त्री शेरबहादुर देउवाले बस्यालको निधनप्रति गहिरो दुःख व्यक्त गर्दै श्रद्धाञ्जली अर्पण गर्नुभएको छ ।
देउवाले श्रद्धाञ्जली अर्पण गर्दै भन्नुभएको छ, “स्वर्गीय बस्यालले नेपाली कांग्रेसको संगठन निर्माण र लोकतान्त्रिक आन्दोलनमा पुर्याउनुभएको योगदान सधैं स्मरणीय रहनेछ। उहाँको आत्माको चीर शान्तिको कामना गर्दै शोकसन्तप्त परिवारजनप्रति हार्दिक समवेदना व्यक्त गर्दछु!´
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend
.png)