काठमाडौँ, ६ चैत । सुन तस्करीको आरोप लागेका नेकपा माओवादी केन्द्रका उपाध्यक्ष कृष्ण बहादुर महराले अस्पतालमै बस्न पाउने भएका छन् ।
सुन तस्करको आरोप लागेका महरालाई जिल्ला अदालत काठमाडौँले चार दिन न्यायिक हिरासतमा राखी अनुसन्धान गर्न नेपाल प्रहरीलाई अनुमति दिएको छ । महराले आफू अस्वस्थ भएको भन्दै उपचारको व्यवस्था मिलाउन आग्रह गरेपछि अदालतले पनि त्यहि अनुसार आदेश दिएको छ ।
आरोपी महराले आफूलाई तीन वटा रोगको समस्या रहेको भनेपछि उपचारको व्यवस्था मिलाउन भनिएको अदालतले स्पष्ट पारेको छ । अदालतमा महराले आफू क्षयरोग, युरिकएसिड र प्रोस्टेटको बिरामी भएको उल्लेख गरेका थिए ।
अदालतको आदेश बमोजिम प्रहरीले महरालाई नर्भिक अस्पतालमा भर्ना गरेको छ । नेपाल प्रहरीको केन्द्रीय अनुसन्धान व्यूरो (सीआईबी)का प्रवक्ता समेत रहेका एसपी होबिन्द्र बोगटीले महरालाई जिल्ला अदालत काठमाडौँको आदेश बमोजिम नर्भिक अस्पताल भर्ना गरिएको बताए ।
नेपाल प्रहरीले महरालाई आज कपिलवस्तुबाट पक्राउ गरि ल्याएको हो ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend
.png)