चितवन, २७ वैशाख। चितवन मेडिकल कलेजमा बीडीएस चौथो वर्षमा अध्ययनरत विद्यार्थी सिम्रन थापाले झुण्डिएर आत्महत्या गर्नुभएको छ । 

जिल्ला प्रहरी कार्यालयका प्रहरी निरीक्षक निर्मल पनेरुका अनुसार मृतकको साथबाट कुनै सुसाइट नोट भेटिएको छैन । तर मेडिकल कलेजमा बुझ्दा परीक्षामा चिट चोरेपछि थापालाई  हलबाट निकालिएको बुझिएको छ ।
 चिट चोरेको कारणबाट परीक्षा हलबाट निकालिएपछि उहाँ कोठामा गएर आत्महत्या गर्नुभएको थियो । 
परीक्षा हलमा चिट चोरेको भन्दै निरीक्षकले हलबाट बाहिर निकालेपछि कोठामा गएर आत्महत्या गर्नुभएको हो । 
प्रहरीका अनुसार पाल्पा रामपुर स्थायी ठेगाना भइ भरतपुर सप्तगण्डकी चोक स्थित गंगाबहादुर थापाको घरमा डेरा गरी बस्नुभएको थियो । 
उहाँले आफु सुत्ने कोठाको सिलिङ पंखामा सलको पासो लगाई झुण्डिएको प्रहरीले जनाएको छ । जिल्ला प्रहरी कार्यालय चितवबाट ५०० मिटर उत्तरमा  सो घटना घटेको थियो । घटनाको बारेमा थप अनुसन्धान भइरहेको प्रहरीले जनाएको छ । घटनापछि चितवन मेडिकल कलेजमा इमरजेन्सीबाहेकका सबै सेवा बन्द गरिएको छ । 
मेडिकल कलेजका विद्यार्थीहरुले आज प्रेषित गरेको विज्ञप्तिमा मृतक थापाले आन्तरिक परीक्षा दिइरहेको समयमा परीक्षामा खटिएको शिक्षकले जबरजस्ती मानसिक तनाव दिई परीक्षा हलबाट निकालेपछि उहाँ आत्महत्या गर्न बाध्य भएको जनाइएको छ । विद्यार्थीहरुले घटनाको छानबिन गरी दोषीमाथि कडा कारबाहीका माग राख्दै इमरजेन्सीबाहेक कलेजका सबै सेवा बन्द गरेका छन् ।