काठमाडौँ । नेपाल औषधी उत्पादक संघ (एपोन)को आयोजनामा आठौं नेपाल फर्मा एक्स्पो हुने भएको छ। आउँदो वैशाख ९ देखि ११ गतेसम्म उक्त एक्स्पो हुने छ। शुक्रबार नेपाल औषधी उत्पादक संघले आयोजना गरेको पत्रकार सम्मेलनमा एक्स्पोका संयोजक जि नारायण क्षत्रीले  आठौं फर्मा एक्स्पो चितवनको प्रर्दशनी केन्द्रमा वैशाख ९ देखि ११ गतेसम्म हुने जानकारी दिनुभयो।  यसअघि फागुनमा हुने भनिएको एक्स्पो  कोभिड-१९ को संक्रमणको जोखिमका कारण मिति सारिएको थियो। उहाँले नेपालमा गुणस्तरीय र आवश्यक परिमाण उत्पादन हुन सक्छ भन्ने कुरालाई जनमानसमा लैजाने उद्देश्यले एक्सपो आयोजना गर्न लागिएको बताउनुभयो । संघका अध्यक्ष प्रज्वल जंग पाण्डेले एक्स्पोले नेपाली औसधि कम्पनीको प्रवर्द्धन गर्ने लक्ष्य लिएको बताउनुभयो ।  यस्तै, संघका उपाध्यक्ष तथा एक्सपोका मिडिया कोर्डिनेटर सन्तोष बरालले नेपालमा भित्रिएका नयाँ प्रविधिलाई अवलोकन गर्न एक्स्पोको आयोजना गरिएको बताउनुभयो । उक्त एक्स्पोमा  १६० स्टल राखिने जानकारी दिनुभयो । उहाँले एक्स्पोमा नेपालका र विदेशका औषधी उद्याेग र त्यसमा प्रयाेग भएका प्रविधीकाे प्रदर्शनी हुने जानकारी गराउनुभयो। एपोनका वरिष्ठ उपाध्यक्ष महेश प्रधानले नेपालका औषधी उद्याेगले नेपालमा वर्षकाे ६० अर्वकाे काराेबार गर्ने गरेको बताउनुभयो ।