हेल्दीखबर
हेल्दीखबर
कोरोना भाइरसविरुद्धको खोपले महिलाको बच्चा जन्माउने क्षमतालाई असर नगर्ने अध्ययनले देखाएको छ।
न्यूयोर्कका अन्वेषकहरूले इन-भिट्रो फर्टिलाइजेसन (आइभिएफ) वा प्रजनन उपचार लिरहेका दुई हजारभन्दा बढी महिलाहरूमा अनुगमन गरेका छन् । महिलामा गर्भावस्थाको दर खोप नलगाएका महिलाहरू र फाइजर वा मोडर्नाको पूर्ण मात्रा खोप लगाएका महिलामा उस्तै रहेको डेलीमेलमाउल्लेख गरिएको छ।
कोरोना भाइरसविरुद्धको खोपले प्रजनन क्षमतामा असर नगर्ने थप प्रमाण भेटिएको अन्वेषकहरूले बताएका छन् । अध्ययनका प्रमुख लेखक डाक्टर देवोरा अहारोनले महिलामा अण्डाको गुणस्तर वा भ्रूण विकासमा कुनै भिन्नता नभएको बताएकी छिन् । अनुसन्धानका अनुसार खोपको कारण गर्भपात हुने, समयअगावै बच्चाको जन्म हुने, मृत बच्चा जन्मने, बच्चा धेरै सानो जन्मने वा जन्मजात रोगहरू हुने जोखिम बढाउँदैन।
प्रजनन क्षमतामा असर गर्छ भन्ने चिन्ताका कारण महिलाहरू र गर्भवती आमाहरूले खोप लिन नमानेको पाइएको छ । गर्भधारण गर्ने प्रयास गरिरहेका वा प्रारम्भिक गर्भावस्थामा रहेकाहरूलाई खोपले कुनै प्रभाव नपारेको अध्ययनको निष्कर्षले आश्वस्त पार्ने उनले बताइन् । विश्वभरि करोडौँको सङ्ख्यामा महिलाहरूलाई खोप लगाइए पनि गर्भपात वा जन्मदरमा उल्लेखनीय कमी भएको छैन।एजेन्सी ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend