काठमाडौ, २३ माघ । सहिद गंगालाल राष्ट्रिय हृदय रोग केन्द्रको आकस्मिक कक्षमा कार्यरत चिकित्सक र नर्समाथि  हातपात भएको छ । आकस्मिक कक्षमा कार्यरत मेडिकल अफिसर, स्टाफ नर्स  र गार्ड माथि  हातपात भएको हो ।

घटना बिहीबार दिउँसो तीन बजेतिर भएको हो ।

 अस्पतालका निर्देशक डा. रवि मल्लले  बिहीबार सिन्धुपाल्चाेकबाट उपचार गराउन ल्याइएकी ८३ वर्षीया  वृद्ध महिलाका आफन्तले चिकित्सक र नर्समाथि हातपात गरेका हुन् ।

उपचारमा ल्याइएकी बिरामीको मृत्यु भएको भन्दै उनीहरुले चिकित्सकमाथि हातपात गरेका थिए ।
तर बिरामी अहिले पनि सकुशल रहेको डा. मल्लले जानकारी दिनुभयो ।  

अनाहकमा चिकित्सक, नर्समाथि हातपात गरी तोडफोडमा उत्रिएका थिए ।

बिरामीलाई भेन्टिलेटरमा राखिएको थियो । अवस्था सुध्रिएर अहिले सामान्य भइसकेको छ ।’ चिकित्सक तथा नर्सलाई हातपात गर्ने र आकस्मिक कक्षमा तोडफोड गरेको भन्दै दुई जनालाई पक्राउ गरिएको छ ।

महानगरीय प्रहरी परिसरका प्रवक्ता पवनकुमार भट्टराईले  पक्राउ पर्नेमा सिन्धुपाल्चोक निसंखु ६ का हरिबहादुर गुरुङ्ग र सुरज गुरुङ्ग रहेको बताउनुभयो ।

चिकित्सकमाथि हातपात तथा अस्पताल तोडफोड गरेको भन्दै उनीहरु विरुद्ध जाहेरी दिने तयारी गरेको निर्देशक डा. मल्लले जानकारी दिनुभयो ।
  बिरामीका आफन्तले बिहीबार राति पुनः अस्पताल प्रवेश गरी अस्पताल तोडफोड गर्ने र चिकित्सक तथा नर्सहरुलाई ज्यान मार्नेसम्मको धम्की दिएका थिए ।