काठमाडौँ, १९ असार । इँटाभट्टामा काम गर्दै एसईई परीक्षामा ४ जीपीए ल्याउने गोमा श्रेष्ठलाई भाटभटेनीका अध्यक्ष तथा समाजसेवी मीनबहादुर गुरुङले एमबीबीएससम्मको पढाउने घोषणा गर्नुभएको छ ।
बिहीबार गोमालाई भाटभटेनीस्थित कार्यालयमा बोलाएर गुरुङ र उहाँकी श्रीमती सावित्री गुरुङले एमबीबीएस पढाउने वाचासहित एक लाख रूपैयाँ नगद, एउटा ल्यापटप र सम्मानपत्र प्रदान गनुृभयो ।
गोमालाई सेन्ट जेभियर्स कलेज, माइतीघरमा ११ र १२ कक्षासम्मको अध्ययन पनि गुरुङले आफ्नै खर्चमा गराउने प्रतिबद्धता व्यक्त गनुृभयो। यसपछि एमबीबीएससम्मको अध्ययन खर्च समेत व्यहोर्ने वचन दिनुभएको छ ।
यसअघि पनि गुरुङले विभिन्न विकट जिल्लाका धेरै विद्यार्थीहरूलाई पाटन विज्ञान प्रतिष्ठानमा एमबीबीएस पढाइरहनुभएको छ ।
गोमाले चाँगुनारायण नगरपालिका ८ स्थित सुडालको एक इँटाभट्टामा काम गर्दै अध्ययन गर्नुभएको थियो । उहाँ बिहान बेलुका इँटा सुकाउने काम गर्नुहुन्थ्यो । कामको साथमा स्कुल पनि पढिरहेकी गोमा ४ जीपीए ल्याएपछि चर्चामा आउनुभएको हो ।
उहाँले आफूलाई डाक्टर बन्ने चाहना भएको, तर आर्थिक अवस्था कमजोर रहेको समाचार बाहिरिएपछि गुरुङ दम्पतीले सहयोग गर्ने घोषणा गर्नुभएको हो।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend
.png)