काठमाडौं । पोकली झरना सेवा समाजले कलेजो रोगबाट पीडित ओखलढुंगा लिखु गाउँपालिका पोकली लेतीकी रुक्मिणी गौतमलाई आर्थिक सहयोग गरेको छ । 
 समाजका पदाधिकारीहरुले गौतम उपचाररत शिक्षण अस्पताल पुगेर  २० हजार आर्थिक सहयोग गरेको हो  । 
 दुई महिना अघि पाटन अस्पतालमा भर्ना हुनुभएकी गौतमको पाटन अस्पतालमा उपचार हुन नसकेपछि दुईदिन अघिमात्र त्रिवि शिक्षण अस्पताल रिफर गरिएको थियो ।
 पछिल्लो समय आर्थिक अभाव भएपछि गौतमको उपचारमा समस्या आएको भन्दै पोकली झरना सेवा समाजले सहयोग गरेको जानकारी दिएको छ । 
गौतमको कलेजोमा संक्रमण भई घाउ भएको कारण पिप बगिरहने समस्या रहेको बिरामीको पति पिताम्बर गौतमले जानकारी दिनुभयो ।  
 पोकली झरना सेवा समाजका अध्यक्ष मिलन विष्ट, महासचिव शम्भु बराल, गुणहरी अधिकारी, अर्जुन ढुंगेल लगायतको टोलीले कलेजो रोगबाट पीडित गौतमलाई शिक्षण अस्पताल पुगेर उक्त सहयोग गरेको थियो ।  उहाँले रुक्मिणी बचाउ अभियान सुरु गर्नुपर्ने भन्दै अन्य व्यक्तिहरुलाई  पनि सहयोग गर्न आग्रह गर्नुभयो । यसअघि रुक्मिणीको नेपाल मेडिकल कलेज, वीर अस्पताल, पाटन अस्पतालमा उपचार भइसकेको छ । पाटनमा दुई महिनासम्म उपचार गर्दा ठिक नभएपछि शिक्षण अस्प्ताल रेफर गरेको हो । यसअिघ कलेजो पीडित रुक्मिणीको उपचारका लागि पाँचलाख रुपैया खर्च भइसकेको परिवारले जानकारी दिएको छ ।