काठमाडौँ, १५ वैशाख । देशमा पश्चिमी वायु तथा स्थानीय वायुको प्रभावसँगै पूर्वी भाग नजिक रहेको न्यून चापीय क्षेत्रको आंशिक असर देखिएको छ। यसकै प्रभावका कारण सोमबार देशका विभिन्न स्थानमा आंशिक बदली भएको जल तथा मौसम पूर्वानुमान महाशाखाले जनाएको छ।
महाशाखाका अनुसार आज कोशी, मधेश, बागमती र गण्डकी प्रदेशसहित लुम्बिनी, कर्णाली र सुदूरपश्चिम प्रदेशका पहाडी तथा हिमाली भू–भागमा आंशिकदेखि सामान्य बदली रहनेछ। बाँकी क्षेत्रहरूमा भने मौसम मुख्यतया सफा रहने अनुमान गरिएको छ।
आज राति भने मौसममा केही परिवर्तन आउने सम्भावना छ। कोशी, मधेश, बागमती र गण्डकी प्रदेशका पहाडी तथा हिमाली भू–भागका केही स्थानहरूमा तथा कोशी प्रदेशका धेरै स्थानमा मेघगर्जन र चट्याङसहित मध्यम वर्षा तथा हिमपात हुन सक्ने महाशाखाले जनाएको छ। साथै मधेश, बागमती र गण्डकी प्रदेशका केही स्थानहरू तथा लुम्बिनी, कर्णाली र सुदूरपश्चिम प्रदेशका पहाडी र हिमाली क्षेत्रमा पनि एक–दुई स्थानमा यस्तै खालको वर्षा हुने सम्भावना रहेको छ।
विशेषगरी कोशी प्रदेशका पहाडी तथा हिमाली भू–भाग र गण्डकी प्रदेशका पहाडी क्षेत्रमा एक–दुई स्थानमा मेघगर्जन र चट्याङसहित भारी वर्षा वा हिमपात हुन सक्ने भएकाले आवश्यक सतर्कता अपनाउन मौसमविद्हरूले सुझाव दिएका छन्।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend
.png)