काठमाडौँ, ५ मंसिर । चिकित्सा शिक्षा आयोगमा रिक्त चार निर्देशक पदका लागि दरखास्त आव्हान भएको छ ।
निर्देशक पदका लागि विभिन्न योग्यताक्रम तोकिएको छ । जसमध्ये राष्ट्रिय तथा अन्र्तराष्ट्रिय जर्नलमा १० वटा खोज अनुसन्धान लेख प्रकाशित गरेको हुनुपर्नेछ । यस्तै चिकित्सा शिक्षा सम्बन्धि कुनै पनि संस्थामा लगानी नभएको, सेएरहोल्डर नभएको, चिकित्सा शिक्षा सम्बन्धि कुनैपनि स्वार्थको टकराब नभएको व्यक्तिले मात्र आवेदन दिन पाउने छन् । 

निर्देशक पदका लागि नाम सिफारिस गर्न गठित समितिले मंगलबार सूचना जारी गर्दै दरखास्त आव्हान गरेको हो । समितिले योग्यता पुगेका ईच्छुक व्यक्तिले सात दिन भित्र दरखास्त दिन सक्ने जनाएको छ ।

आयोगमा मापदण्ड तथा प्रत्यायन निर्देशनालय, समन्वय तथा प्राज्ञिक उन्नयन निर्देशनालय, परीक्षा निर्देशनालय र नेसनल बोर्ड अफ मेडिकल स्पेसियालिटिज गरी तीन वटा निर्देशनालय र एक बोर्डमा निर्देशक नियुक्तिका लागि नाम सिफारिस गर्ने छ।

समितिले आवेदनका आधारमा उपयुक्त उम्मेदवारलाई विभिन्न १० वटा बुँदामा आवश्यक कागजपत्र ७ दिनभित्र दरखास्त हाल्न भनेको हो।

समितिको संयोजकमा राष्ट्रिय योजना आयोगका सदस्य डा रामकुमार फुयाल रहेका छन् भने समितिमा प्राडा रमेशकान्त अधिकारी र प्राडा बुद्धिबहादुर थापा सदस्य छन्।

उनीहरुले काम सुरु गरेको १५ दिन भित्र निर्देशक पदमा नियुक्तिका लागि उपाध्यक्ष समक्ष नाम सिफारिस गर्नुपर्नेछ । निर्देशकको पदावधी ४ बर्षको हुनेछ ।

हेरौँ विस्तृत सूचनाः