परीक्षा दिएर घर फर्कने क्रममा दुर्घटना
हेल्दीखबर
हेल्दीखबर
काठमाडौं, २३ जेठ । धादिङबाट काठमाडौं आइ शिक्षक सेवा आयोगको परीक्षा दिएर घर फर्किन लागेका एक दम्पतीको सवारी दुर्घटनामा निधन भएको छ।
ना ५ ख ५३२२ नम्बरको ट्रकले प्र ३-०२-००१ प ८८२५ नम्बरको मोटरसाइकललाई ठक्कर दिँदा धादिङ गल्छी गाउँपालिका-४ बैरेनीका ४० वर्षीय गोविन्दप्रसाद अधिकारी र उहाँकी ३७ वर्षीया श्रीमती जानुका अर्याल दुर्घटनामा निधन भएको हो।
काठमाडौंको चन्द्रागिरि नगरपालिका-४ थानकोटमा शनिबार दिउँसो ट्रकले मोटरसाइकललाई ठक्कर दिदा दम्पतिको निधन भएको हो।
अधिकारीको सोही दिन ट्रमा सेन्टरमा मृत्यु भएको थियो। उहाँकी श्रीमती अर्यालको सोमबार बिहान बाँसबारीस्थित न्युरो अस्पतालमा उपचारको क्रममा मृत्यु भएको हो।
दुर्घटनामा ज्यान गुमाएका दुबै जना शिक्षक हुनुहुन्छ । उहाँहरू गल्छी-५ मा रहेको जलकन्या आधारभूत विद्यालयमा कार्यरत हुनुहुन्थ्यो ।
ठक्कर दिने ट्रक चालकलाई पक्राउ गरिसकेको प्रहरी वृत्त थानकोटले जनाएको छ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend