निमित्त महानिर्देशकमा डा. अनुज भट्टचन
काठमाडौँ, २८ बैशाख । स्वास्थ्य सेवा विभागका महानिर्देशक डा. केशरबहादुर ढकाल अस्वस्थ भएपछि वीर अस्पतालमा उपचाररत हुनुहुन्छ ।
मुटुसम्बन्धी समस्या देखिएपछि उहाँलाई अस्पतालको कोरोनरी केयर युनिट (सीसीयू) मा राखेर उपचार भइरहेको छ।
स्वास्थ्यमा समस्या देखिएपछि डा. ढकाल केही दिनयता नियमित कामकाजबाट टाढा रहनुभएको बताइएको छ। उहाँको अनुपस्थितिमा विभागको निमित्त महानिर्देशकको जिम्मेवारी डा. अनुज भट्टचनलाई दिइएको छ।
डा. भट्टचन इपिडिमियोलोजी तथा रोग नियन्त्रण महाशाखाका प्रमुख हुनुहुन्छ ।
महानिर्देशक डा. ढकालले उपचारका लागि बिदामा बस्नुपरेको जानकारी गराउँदै २२ वैशाखदेखि लागू हुने गरी निमित्त जिम्मेवारी डा. भट्टचनलाई हस्तान्तरण गर्नुभएको हो।
उपचाररत डा. ढकालले छातीमा समस्या महसुस भएपछि वीर अस्पतालमा परीक्षणका लागि आएको र चिकित्सकको सल्लाहअनुसार उपचार जारी रहेको छ ।
उहाँले हाल सीसीयूमा चिकित्सकहरूको निगरानीमा उपचार भइरहेको जानकारी गराउनुभएको छ ।
ढकालको स्वास्थ्य अवस्थाबारे नियमित निगरानी भइरहेको छ भने आवश्यक परीक्षण तथा उपचार प्रक्रिया अघि बढाइएको छ।
महानिर्देशक भएपनि डा. ढकालले हालसम्म कुनै पनि निर्णय लिनसक्नुभएको छैन ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend
.png)