थप चारजनाको आरडीटी पोजेटिभ
काठमाडौँ, ८ साउन । पुर्नस्थापना केन्द्रमा रहेका १६ बर्षिय बालकमा हैजा पुष्टि भएको छ । गोदावरी नगरपालिका वडा नम्बर १४ ठैवमा रहेको एक पुर्नस्थापना केन्द्रका १६ वर्षिय बालकलाई हैजा पुष्टि भएको हो ।
स्वास्थ्य कार्यालय ललितपुरका प्रमुख भुवन पौडेलले बालकलाई हैजा पुष्टि भएको जानकारी दिए । उनले जनस्वास्थ्य कार्यालयबाट स्वास्थ्यकर्मीसहितको टोली परिचालन गरिएको बताए । जनस्वास्थ्य कार्यालय प्रमुख पौडेलले पुर्नस्थापना केन्द्रमा रहेका चारजनाको आरडिटी परीक्षण गर्दा पोजेटिभ देखिएको बताए । उनका अनुसार थप कल्चरको लागि जनस्वास्थ्य प्रयोगशाला टेकुमा पठाइएको छ । डा.पौडेलले बाँकी चार जनाको कल्चरको रिपोर्ट आउन समय लाग्ने बताए ।
उक्त पुर्नस्थापना केन्द्रमा भएका सात जनालाई लक्षण देखिएपछि थप उपचारको लागि टेकुस्थित शुक्रराज ट्रपिकल तथा सरुवा रोग अस्पतालमा रिफर गरिएको छ ।
जनस्वास्थ्य कार्यालयको स्वास्थ्यकर्मीको टोलीले पुर्नस्थापना केन्द्रमा कसरी हैजा फैलियो भन्ने अनुगमन गरिरहेको छ, डा.पौडेलले भने ,“हैजा खानेपानी, खानेकुराबाट फैलिएको हुनसक्छ ।”
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend
.png)